Данғара тумани ҳокимининг навбатдаги шахсий қабули Пишқарон маҳалла фуқаролар йиғини ҳудудида жойлашган Халқ қабулхонаси биносида ўтказилди.
2026-07-29 11:00:00 / Янгиликлар
🔷Қабулда туман ҳокимининг ўринбосарлари, халқ депутатлари Данғара туман Кенгаши депутатлари ҳамда тегишли давлат ташкилотлари раҳбарлари иштирок этиб, фуқароларнинг мурожаатлари белгиланган тартибда кўриб чиқилди.
🔷Қабул давомида фуқаролар томонидан ижтимоий ҳимоя, аҳоли бандлигини таъминлаш, коммунал хизматлар сифатини яхшилаш, тиббий ва моддий ёрдам кўрсатиш, ер муносабатлари, тадбиркорлик фаолиятини ривожлантириш, имтиёзли банк кредитлари ажратиш билан боғлиқ қатор масалалар юзасидан мурожаатлар билдирилди.
🔷Ҳар бир мурожаат масъул ташкилотлар вакиллари иштирокида амалдаги қонунчилик талаблари асосида атрофлича муҳокама қилиниб, уларни ҳал этиш бўйича аниқ чора-тадбирлар белгилаб олинди.
🔷Жойида ҳал этилиши мумкин бўлган масалалар тезкорлик билан бартараф этилди. Қўшимча ўрганиш талаб этилган мурожаатлар эса ижросини таъминлаш учун масъулларга бириктирилиб, белгиланган муддатларда ижроси таъминланиши юзасидан назоратга олинди.