Данғара тумани ҳокимининг фуқаролар билан навбатдаги шахсий қабули Пишқарон маҳалла фуқаролар йиғини ҳудудида жойлашган Халқ қабулхонасида ташкил этилди.
2026-06-17 11:00:00 / Янгиликлар
Данғара тумани ҳокимининг фуқаролар билан навбатдаги шахсий қабули Пишқарон маҳалла фуқаролар йиғини ҳудудида жойлашган Халқ қабулхонасида ташкил этилди.
🔷Қабулда туман ҳокимининг ўринбосарлари, халқ депутатлари туман Кенгаши депутатлари, шунингдек, тегишли корхона ва ташкилотлар раҳбарлари иштирок этди.
🔷Қабул давомида аҳоли томонидан ижтимоий ҳимоя, бандлик, коммунал хизматлар, тиббий ва моддий ёрдам, ер муносабатлари, тадбиркорликни қўллаб-қувватлаш, банк кредитлари ажратиш, уй-жой ва инфратузилмани яхшилаш каби қатор масалалар юзасидан мурожаатлар билдирилди.
🔷Ҳар бир мурожаат масъуллар иштирокида атрофлича кўриб чиқилиб, муаммоларни қонун доирасида ҳал этиш бўйича тегишли чоралар белгиланди. Айрим масалалар қабул жараёнидаёқ ижобий ҳал этилди.
🔷Қўшимча ўрганиш ва вақт талаб этадиган мурожаатлар эса назоратга олиниб, уларнинг ижросини таъминлаш бўйича мутасадди раҳбарларга аниқ вазифалар юклатилди.
🔷Фуқароларнинг мурожаатларини ўз вақтида кўриб чиқиш, уларнинг ҳуқуқ ва қонуний манфаатларини таъминлаш Данғара тумани ҳокимлигининг устувор вазифаларидан бири бўлиб қолмоқда.