Тошкент шаҳар Чилонзор тумани ҳокимлиги

Энг улуғ байрамимиз нишонланадиган санага ҳам оз кунлар қолди. Давлатимиз раҳбарининг кўрсатмаларига кўра айни пайтда юртимизнинг барча сарҳадларида Мустақиллик байрамини муносиб кутиб олишга тайёргарлик ишлари давом этмоқда. Шунингдек, туманимизда ҳам байрамда аҳоли кўп тўпланадиган жойларнинг ҳар томонлама хавфсизлиги ва ободончилиги ҳолатлари туман ҳокими ва масъуллар томонидан ўрганилмоқда. Бугун туман ҳокими Саидқаҳҳор Холхўжайев ва тегишли масъуллар томонидан туманимиздаги Миллий боғ ҳудудда аҳоли байрам кунлари сайр қилиши учун яратилаётган шарт-шароитлар ўрганилди. Ўрганишлар жараёнида аниқланган айрим камчиликларни бартараф этиш юзасидан боғ маъмуриятига керакли тавсия ва кўрсатмалар берилди.