Термиз шаҳри Бўғзор ва Маърифат маҳаллалари чегарасидан ўтган диаметри 1000 мм бўлган оқова сув коллекторида таъмирлаш ишлари олиб борилаётгани сабабли бир қатор сув иншоотлари фаолияти вақтинча тўхтатилган
2026-11-01 16:30:00 / Янгиликлар
Термиз шаҳри Бўғзор ва Маърифат маҳаллалари чегарасидан ўтган диаметри 1000 мм бўлган оқова сув коллекторида таъмирлаш ишлари олиб борилаётгани сабабли бир қатор сув иншоотлари фаолияти вақтинча тўхтатилган.
Жумладан, Мангузор, Бўстон, Алпомиш ва Фаровон массивларидаги сув иншоотлари вақтинча ўчирилган.
Шу муносабат билан Жайҳун, Бўстон, Авлоний, Юлдуз шифокор, Боғишамол, Алпомиш, Мангузор, Гулистон, Аму соҳили, Сурхон соҳили, Жўйжангал, Нурли келажак, Меҳработ ва Гулирано маҳаллаларига ичимлик суви махсус сув ташувчи техникалар орқали етказиб берилмоқда.
Айни пайтда таъмирлаш ишлари узлуксиз, куну-тун давом эттирилмоқда. Ишларни имкон қадар қисқа муддатда якунлаш ва сув таъминотини қайта тиклаш чоралари кўрилмоқда.
Истеъмолчилар махсус техникалар орқали ичимлик суви етказиб бериш хизматига буюртма бериш учун +998 33 320 91 90 телефон рақамига мурожаат қилишлари мумкин.
Вақтинчалик ноқулайликлар учун узр сўраймиз!
