Сурхондарё вилояти Давлат меҳнат инспекцияси томонидан Д.Ташмуратованинг мурожаати белгиланган тартибда ўрганилди. 🔎 Ўрганиш натижасида Жарқўрғон тумани 52-сонли умумтаълим мактаби директори томонидан у билан тузилган меҳнат шартномаси қонун талабларига зид равишда бекор қилинганлиги аниқланиб, мазкур ҳолат юзасидан судга даъво аризаси киритилди. ✔️ 2026-йил 25-июндаги суднинг ҳал қилув қарорига мувофиқ: ✅ Фуқаро аввалги бошланғич синф ўқитувчиси лавозимига ишга тикланди; ✅ 4.362.377 сўм мажбурий прогул даври учун иш ҳақи ундирилди; ✅ 2.000.000 сўм миқдорида маънавий зарар ундирилиши белгиланди. 📝 Натижада жами 6.362.377 сўм миқдоридаги иш ҳақи ва унга тенглаштирилган тўловлар суд тартибида ундириб берилди. 📕 Жарқўрғон тумани 52-сонли умумтаълим мактаби директорига Ўзбекистон Республикаси МЖтКнинг 49-моддаси 1-қисмига асосан БҲМнинг 7 баравари миқдорида жарима қўлланилди. ✅ Давлат меҳнат инспекцияси ходимларнинг меҳнат ҳуқуқлари бузилган ҳолатларда қонунчиликда белгиланган тартибда зарур чораларни кўришда давом этади.