Камбағалликни қисқартириш ва бандлик тизимидаги устувор вазифалар муҳокама қилинди
2026-07-21 10:20:00 / Янгиликлар
Камбағалликни қисқартириш ва бандлик тизимидаги устувор вазифалар муҳокама қилинди
Навоий вилояти Камбағалликни қисқартириш ва бандлик бошқармаси бошлиғи Лутфулло Хайруллаев раҳбарлигида тизимдаги долзарб масалаларга бағишланган йиғилиш ўтказилди.
Унда бошқарма масъул ходимлари ҳамда шаҳар ва туман бўлимлари бошлиқлари иштирок этди.
Йиғилиш давомида фуқаролар мурожаатлари билан ишлаш самарадорлигини ошириш, микролойиҳаларни амалга ошириш, касб-ҳунарга ўқитиш, "Менинг ишим" ва "Осон иш" платформалари фаолиятини янада такомиллаштириш, томорқа ва ижара ер майдонларидан самарали фойдаланиш ҳамда экинларни ўз вақтида экилишини таъминлаш, камбағалликни қисқартириш борасидаги устувор вазифалар, шунингдек коррупциянинг олдини олишга қаратилган чора-тадбирлар муҳокама қилинди.
Муҳокамалар якунида ҳар бир йўналиш бўйича мавжуд камчиликларни бартараф этиш, белгиланган вазифаларни ўз вақтида ва сифатли амалга ошириш юзасидан масъулларга аниқ топшириқ ва кўрсатмалар берилди.