Бухоро туманида “Ёшлар куни” доирасида спортчи ёшлар билан очиқ мулоқот ўтказилди.
2026-06-11 10:55:00 / Янгиликлар
Ҳар ҳафта пайшанба куни ўтказиладиган “Ёшлар куни” доирасида Бухоро тумани ҳокими Анваржон Очилов бошчилигидаги масъуллар томонидан туман Олимпия ва миллий спорт турлари бўйича давлат ихтисослаштирилган мактаб-интернатида Президент олимпиадасига тайёргарлик кўраётган спортчи ёшлар билан учрашув ташкил этилди.
Учрашув давомида ёшларнинг спорт соҳасидаги ютуқлари, мусобақаларга тайёргарлик жараёнлари ҳамда келгусидаги режалари билан яқиндан танишилди. Спортчиларнинг фикр ва таклифлари тингланиб, уларни қўллаб-қувватлаш, муносиб шароитлар яратиш ҳамда юқори натижаларга эришишлари учун зарур кўмакларни кўрсатиш масалалари муҳокама қилинди.
Мулоқот жараёнида ёш спортчиларнинг мамлакатимиз спорти ривожига қўшган ҳиссаси алоҳида эътироф этилди.