Бухоро шаҳрида ўтказилган спорт тадбирлари
2025-09-26 12:05:00 / Янгиликлар
Шунингдек, “Беш ташаббус олимпиадаси” спорт мусобақаларининг тантанали очилиш маросими Бухоро шаҳар 12-умумий ўрта таълим мактабида бўлиб ўтди. Тадбир доирасида “Мактаб лигаси” спорт мусобақаларига ҳам расмий старт берилди. Унга кўра, мусобақаларнинг биринчи синфлараро мактаб босқичи 2025-йил 25-сентябрдан 5-октябргача давом этади. Спорт тадбирлари доирасида волейбол, стол тенниси, эстафета югуришлари ва бошқа спорт турлари бўйича беллашувлар ташкил этилмоқда. Жумладан, 12-мактабда ўғил болалар ўртасида волейбол бўйича "Мактаб лигаси" мусобақалари юқори руҳда ўтмоқда.
Бундан ташқари, Бухоро шаҳар 11-умумий ўрта таълим мактабида 5-ташаббус лойиҳасининг “Қувноқ стартлар” йўналиши бўйича йигит ва қиз ўқувчилар ўртасида спорт мусобақалари ташкил этилди. Тадбир натижаларига кўра ғолиблар аниқланди. Бу каби тадбирларнинг давом этиши ёш авлоднинг жисмоний чиниқиши, соғлом ҳаёт тарзига бўлган эътиборини кучайтиришга хизмат қилмоқда.