Бухоро шаҳар ҳокимлиги

Маҳалладаги ёшларнинг катта қисми иш билан банд бўлиб, устоз-шогирд анъанасининг яна жонланаётганидан дарак беради. Хусусан, тикувчилик, сартарошлик ва бошқа амалий йўналишларда фаолият юритаётган хотин-қизлар ҳам ёшларга ҳунар ўргатиш орқали уларнинг келажагига нурли йўл очиб бермоқдалар. Бундай эзгу ташаббуслар туфайли юртимизда меҳнаткаш, изланувчан, ўз устида тинмай ишлайдиган ва ижтимоий ҳаётда фаол иштирок этаётган ёшлар сафи кун сайин кенгайиб бормоқда. 

Айтиш жоизки,  халқ орасида кенг тарқалган "Тадбиркор — элга мададкор" деган ибора бугунги кунда ўзининг амалий ифодасини топмоқда. Тадбиркорлар фақатгина  даромад орттириш билангина чекланиб қолмай, балки ижтимоий масъулиятни ҳам ўз зиммасига олиб, ёшларни қўллаб-қувватлаётгани таҳсинга лойиқдир.