Бухоро шаҳридаги 45-ДМТТда қурилиш-таъмирлаш ишлари жадал суръатларда давом этмоқда
2026-07-07 09:45:00 / Янгиликлар
Қурилиш ишлари пудратчи ташкилот «Solo Energia» МЧЖ томонидан амалга оширилмоқда. Бугунги кунга қадар режалаштирилган ишларнинг 30 фоизи бажарилган. Айни пайтда бинода дераза ва эшик ромларини ўрнатиш, пишиқ ғишт билан девор териш ҳамда бошқа қурилиш-монтаж ишлари белгиланган режа асосида давом эттирилмоқда. Объектда 20 нафар малакали қурувчи меҳнат қилмоқда. Қурилиш жараёнларида белгиланган меъёрлар ва сифат талабларига қатъий риоя этишга алоҳида эътибор қаратилган.
Қурилиш ишларининг бориши билан Бухоро шаҳар ҳокимининг ўринбосари Феруз Хамроев жойига чиққан ҳолда танишди. Танишув давомида объектда амалга оширилаётган ишлар кўздан кечирилиб, қурилиш суръатини янада жадаллаштириш, ишларни юқори сифат билан ҳамда белгиланган муддатларда якунлаш юзасидан пудратчи ташкилот ва мутасадди раҳбарларга тегишли топшириқ ҳамда кўрсатмалар берилди.
Мазкур лойиҳа фойдаланишга топширилгач, шаҳарда мактабгача таълим қамровини янада ошириш, болалар учун замонавий, хавфсиз ва қулай шарт-шароитларни яратишга хизмат қилиши билан аҳамиятли ҳисобланади.