"Дилкушо" кўчаси янги қиёфага кирмоқда
2026-05-07 10:50:00 / Янгиликлар
Бугунги кунда Дилкушо кўчасида кенг кўламли бунёдкорлик ва ободонлаштириш ишлари олиб борилмоқда. Аҳоли учун янада қулай ва замонавий инфратузилма яратиш мақсадида кўчадан ўтган барча коммуникация тармоқлари босқичма-босқич янгиланмоқда. Хусусан, ичимлик суви, оқова сув, электр энергияси, газ ҳамда алоқа тармоқларини модернизация қилиш ишлари амалга оширилмоқда.
Шунингдек, ҳудуднинг ташқи кўринишини янада чиройли ва замонавий қилиш мақсадида кўчада бурсчатка териш ишлари ҳам бошлаб юборилди. Мазкур қурилиш ва ободонлаштириш ишлари якунлангач, "Дилкушо" кўчаси аҳолига янада қулай, хавфсиз ва кўркам масканга айланиши кутилмоқда.