Бухоро шаҳридаги 59-сонли мактабгача таълим муассасаси янгича қиёфада
2025-11-28 17:00:00 / Янгиликлар
Шу мақсадда, бугун Бухоро шаҳридаги 59-сонли давлат мактабгача таълим муассасаси капитал таъмирдан чиқарилиб, тантанали равишда фойдаланишга топширилди. Тадбирда шаҳар ҳокими Қурбон Турсунов иштирок этиб, келажагимиз эгаларининг баркамол вояга етишида мактабгача таълим ташкилотининг ўрни ва ундаги шароитларга тўхталиб ўтди. Ота-оналар ва болажонларни замонавий таъмирдан чиққан боғча билан табриклади.
Мазкур боғча 1989-йилда бунёд этилган бўлиб, шу вақтгача таъмирланмаган эди. Ушбу жараён учун давлат маблағлари ҳисобидан 1 миллиард 700 миллион сўм маблағ йўналтирилди. Таъмир ишлари натижасида муассасанинг қуввати 220 ўриндан 360 ўринга етказилди. Таъмирлаш ишлари “Ориент Хондамир Строй” МЧЖ қурувчилари томонидан амалга оширган бўлиб, корхона раҳбари Ҳасан Паноев томонидан қисқа муддатда лойиҳанинг сифатли бажарилиши таъминланди.
59-сонли мактабгача таълим муассасасининг янгича қиёфада қайта фойдаланишга топширилиши Бухоро шаҳрида таълим соҳасида амалга оширилаётган ислоҳотларнинг яна бир амалий самарасидир. Ушбу муассаса эндиликда юзлаб болаларга сифатли таълим бериш, уларнинг қизиқишларини ривожлантириш ва ҳар томонлама баркамол авлодни тарбиялашда хизмат қилади.
Тадбир якунида меҳмонлар боғча ҳудудига ҳамда "Замондош" маданият марказига кўчат ўтқазишди.