2025-2026 ўқув йили бошланди: Бувайда туманидаги 33-мактабда биринчи қўнғироқ байрами тантанали тарзда ўтказилди
2025-09-02 08:00:00 / Янгиликлар
Тадбир давомида туман ҳокими ўқувчилар, ота-оналар ва педагогларни янги ўқув йилининг бошланиши билан табриклаб, билимли ва ватанпарвар ёшларни тарбиялаш йўлида фидокорона хизмат қилаётган устозларга ўз миннатдорчилигини билдирди.
Тадбир давомида туман ҳокими ҳар йили анъанавий тарзда топшириладиган Президент совғаларини — мактаб сумкаси ва ўқув қуролларидан иборат тўпламни — 1-синфга қабул қилинган ўқувчиларга тантанали тарзда топширди.
Маълумот ўрнида айтиш жоизки, 2025-2026 ўқув йилида Бувайда туманидаги 55 та умумтаълим мактабига жами 4788 нафар 1-синф ўқувчиси қабул қилинди.
Тадбир давомида мактаб ўқувчилари томонидан тайёрланган бадиий чиқишлар, қўшиқлар ва шеърлар барчага байрамона кайфият улашди. Устозлар, ота-оналар ва меҳмонлар томонидан янги ўқув йилига катта умид ва ишонч билан қадам қўйилаётгани таъкидланди.