Бувайда туманида ёшлар билан очиқ мулоқот ўтказилди
2026-01-24 11:10:00 / Янгиликлар
Учрашув давомида ёшлар бандлигини таъминлаш, тарбияси оғир ёшлар билан ишлаш йўналишида ҳудудларда амалга оширилаётган ишлар, мавжуд муаммолар ва келгусидаги устувор вазифалар атрофлича муҳокама қилинди. Шунингдек, пробация назоратидаги ёшларни ижтимоий ҳаётга мослаштириш, уларнинг бандлигини таъминлаш, касб-ҳунарга йўналтириш ва қайта ҳуқуқбузарликларнинг олдини олиш масалаларига алоҳида эътибор қаратилди.
Мулоқот очиқ ва самимий руҳда ўтиб, ёшлар ўзларини қийнаётган масалалар, бандлик, таълим, бўш вақтни мазмунли ташкил этиш ҳамда тадбиркорликни бошлаш бўйича таклиф ва ташаббусларини билдирдилар. Мутасаддилар томонидан ҳар бир мурожаат юзасидан тегишли тушунтиришлар берилиб, амалий кўмак кўрсатиш чоралари белгилаб олинди.
Тадбир ёшлар билан манзилли ишлашни кучайтириш, уларнинг муаммоларини ўз вақтида ҳал этиш ҳамда жамиятда фаол фуқаролик позициясини шакллантиришга хизмат қилди.