Бувайда туманида Янги йил арафасида болажонлар учун хайрия суннат тўйлари ўтказилди
2025-12-23 11:25:00 / Янгиликлар
Янги йил байрами арафасида болажонларга байрамона кайфият улашиш ва қувончли онларни ҳадя этиш мақсадида Бувайда туманида ҳомийлик йўли билан “Осиё” тантаналар саройида 5 нафар жажжи болажон учун суннат тўйлари ташкил этилди. Тадбирда Бувайда тумани ҳокими Беҳзоджон Ибрагимов ҳамда туман ИИБ бошлиғи Шерзоджон Ахмедов иштирок этди.
Туман ҳокими болажонлар ва уларнинг ота-оналарини яқинлашиб келаётган Янги йил байрами билан табриклаб, фарзандларга сиҳат-саломатлик, бахтиёр болалик ва ёрқин келажак тилади.
Байрам дастури доирасида таниқли эстрада хонандаси Жўрабек Қодировнинг чиқишлари намойиш этилди ва тадбир иштирокчиларига кўтаринки кайфият улашди. Миллий анъаналар асосида ташкил этилган суннат тўйлари барчада илиқ таассурот қолдирди.