Ёш спортчиларнинг ғалабасида ота-оналар меҳнати эътироф этилди
2026-10-24 11:00:00 / Янгиликлар
«Янги Ўзбекистон Олимпия чўққилари» спорт мусобақаларининг вилоят босқичида пара енгил атлетика бўйича фахрли 1-ўринни эгаллаган Сарвиноз Насриддинова ҳамда пара таэквондо бўйича биринчиликни қўлга киритган Азизбек Баходировнинг ота-оналарига фарзандларининг спортдаги ютуқларини қўллаб-қувватлагани, уларнинг тарбияси ва камолотига қўшган ҳиссаси учун миннатдорлик билдирилди.
Бўка тумани ҳокими М. Абдазимов ҳамда туман прокурори Ш. Зуннурбоев томонидан спортчиларнинг ота-оналарига фарзандларининг спортдаги ютуқларини қўллаб-қувватлагани, уларга кўрсатган эътибори ва тарбиясига қўшган ҳиссаси учун ташаккурномалар шахсан топширилди.
Фарзандларининг истеъдодини юзага чиқариш, уларни спортга кенг жалб этиш ва ютуқлар сари рағбатлантиришда ота-оналарнинг ўрни беқиёс.
Ёш спортчиларимизга келгуси мусобақаларда ҳам улкан зафарлар, янги марралар ва ёрқин ғалабалар тилаймиз!