Мактабгача ва мактаб таълими ташкилотлари директорлари билан учрашув ўтказилди
2026-10-09 14:00:00 / Янгиликлар
Унда таълим муассасаларининг куз-қиш мавсумига тайёргарлик ҳолати, умумтаълим мактабларида таълим сифати, битирувчиларнинг олий таълим муассасаларига кириш кўрсаткичлари ҳамда ишчи гуруҳ томонидан олиб борилган ўрганишлар натижалари атрофлича муҳокама қилинди.
Йиғилишда туман ҳокимининг ўринбосари О.Жўраев, Халқ депутатлари Бўка тумани Кенгаши депутати Д.Пўлатов, ишчи гуруҳ аъзолари, Мактабгача ва мактаб таълими бўлими масъуллари, умумтаълим мактаблари директорлари ҳамда тегишли ташкилотлар вакиллари иштирок этди.
Муҳокамалар давомида таълим муассасаларининг куз-қиш мавсумига тайёргарлиги, таълим сифати, битирувчиларнинг олий таълим муассасаларига кириш кўрсаткичлари ҳамда ўрганишлар давомида аниқланган муаммо ва камчиликлар кўриб чиқилди.
Шунингдек, ўқувчиларни қўшимча машғулотларга жалб этиш, фан тўгараклари фаолиятини ривожлантириш ва таълим самарадорлигини ошириш масалаларига эътибор қаратилди.
Йиғилиш якунида аниқланган камчиликларни бартараф этиш ва белгиланган вазифалар ижросини таъминлаш юзасидан масъулларга тегишли топшириқлар берилди.