Янги давлат мактабгача таълим ташкилоти фойдаланишга топширилди
2026-07-14 17:50:00 / Янгиликлар
“Ягона Ватан, ягона халқ бўлиб, янги ҳаёт ва келажак яратамиз!” бош ғояси асосида Бўка тумани "Тошлоқ" маҳалласида янгидан барпо этилган, 120 ўринга мўлжалланган 2-сонли давлат мактабгача таълим ташкилотининг тантанали очилиш маросими бўлиб ўтди.
Унда туман ҳокими С.Исакулов, Республика ишчи гуруҳи вакили Н.Қаюмов, туман прокурори Ш.Зуннурбоев, нуронийлар, мактабгача таълим ташкилотлари директорлари, тарбияланувчилар ҳамда уларнинг ота-оналари иштирок этди.
Тадбирда мамлакатимизда мактабгача таълим тизимини ривожлантириш, болалар учун замонавий ва қулай шарт-шароитлар яратишга қаратилган ислоҳотларнинг аҳамияти алоҳида таъкидланди.
Мазкур таълим ташкилоти Ўзбекистон Республикаси Президентининг ПҚ-454-сон қарорига мувофиқ, 2025–2027 йилларда ижтимоий ва ишлаб чиқариш инфратузилмасини ривожлантириш дастури доирасида 2 миллиард 700 миллион сўм маблағ эвазига бунёд этилди. Муассасада болаларнинг сифатли таълим олиши ва мазмунли вақт ўтказиши учун барча зарур шарт-шароитлар яратилган.