Тошкент вилояти Бўка тумани ҳокимлиги

Очиқ мулоқот руҳида ташкил этилган учрашувда туман ҳокимининг ўринбосарлари, “Паркент” маҳалласи “еттилиги”, тегишли корхона ва ташкилотлар раҳбар ҳамда мутахассислари, шунингдек, маҳалла аҳолиси фаол иштирок этди.

Сайёр қабул давомида фуқаролар томонидан ижтимоий ҳимоя, бандлик масалалари, коммунал хизматлар сифати, банк-кредит муносабатлари ҳамда бошқа долзарб йўналишларга оид 16 та мурожаат билдирилди. Мурожаатларнинг бир қисмига жойида ҳуқуқий тушунтириш ва амалий ечимлар тақдим этилди. Қолган мурожаатлар эса белгиланган тартибда тегишли ташкилотларга йўналтирилиб, уларни қисқа муддатларда бартараф этиш юзасидан масъулларга аниқ топшириқлар берилди.

Шунингдек, айрим мурожаатлар туман ҳокими бошчилигида бевосита жойига чиқиб ўрганилди, ҳар бир масала бўйича аниқ вазифалар ва ижро муддатлари белгилаб олинди.

Уchrashuv davomida фуқароларга тадбиркорлик фаолиятини йўлга қўйиш, мавжуд имкониятлардан унумли фойдаланиш лозимлиги, бугунги кунда ҳукуматимиз томонидан тадбиркорлик субъектлари учун кенг шароитлар, молиявий ва солиқ имтиёзлари, кредит ва субсидиялар ажратилаётгани алоҳида таъкидланди. Аҳолини ўз ташаббуслари билан чиқиб, даромад манбаларини яратишга чақириш, тадбиркорликни ривожлантириш орқали бандликни таъминлаш муҳим вазифа экани қайд этилди.

Тадбир давомида аҳоли бандлигини таъминлаш ҳамда ижтимоий қўллаб-қувватлаш мақсадида бўш иш ўринлари меҳнат ярмаркаси ҳамда аҳоли учун қулай нархларда арзонлаштирилган озиқ-овқат маҳсулотлари ярмаркаси ташкил этилди.

Мазкур ярмаркалар фуқаролар томонидан катта қизиқиш билан кутиб олиниб, аҳолининг бандлигини ошириш, кундалик эҳтиёжларини таъминлаш ҳамда ижтимоий барқарорликни мустаҳкамлашга хизмат қилди.