Фарғона вилояти Бешариқ тумани ҳокимлиги

Бешариқ тумани маданият марказида таълимда юқори натижаларга эришган битирувчиларни тақдирлашга бағишланган тантанали маросим бўлиб ўтди. 🖇Жорий йилда туманимиздаги 62 та умумтаълим мактабини 2 432 нафар ўқувчи битирмоқда. Улардан 39 нафари билим ва интилиши, меҳнати ҳамда юқори натижалари учун медалларга муносиб деб топилди. Хусусан, 29 нафар битирувчи олтин медаль, 10 нафари эса кумуш медаль билан тақдирланди. 🔍Туман ҳокими Илёсбек Новиков ёшларни ушбу юксак ютуқ билан табриклаб, уларнинг муваффақияти ортида турган ота-оналар ва устозларга алоҳида миннатдорлик билдирди. 🔸Қувонарлиси, медаль соҳиблари орасида Англия, АҚШ, Малайзия ва Туркиянинг нуфузли олий таълим муассасаларига қабул қилинган иқтидорли ёшлар ҳам бор. 🔹Бугунги медаллар — нафақат меҳнатнинг муносиб эътирофи, балки Бешариқ ёшларининг улкан орзу ва мақсадлар сари қўйган ишончли қадами ҳамдир. 📍Битирувчиларимизга келгуси ҳаёт йўлида янада катта зафарлар тилаймиз!