Ёшлар ўртасида спорт мусобақалари ўтказилди
2025-06-04 16:05:00 / Тадбирлар
Бойсун туманида ёшларнинг бўш вақтларини мазмунли ўтказиш, уларни соғлом турмуш тарзига жалб қилиш мақсадида навбатдаги спорт мусобақалари бўлиб ўтди.
Президентимиз ташаббуси билан маҳаллаларда ташкил этилаётган "Долзарб 90 кун" лойиҳаси доирасида 6-сонли умумтаълим мактабида Газа маҳалласи ҳамда Шўрсой маҳалласи ёшлари ўртасида гандбол спорт тури бўйича мусобақа ташкил этилди.
Шунингдек, "Мустақиллик" маҳалласида жойлашган 39-сонли мактабда Мустақиллик ёшлари ўртасида гандбол, шахмат, шашка ва волейбол турларидан мусобақалар ўтказилди.
Мазкур мусобақалар ёшлар ўртасида соғлом рақобатни кучайтириш, спортга бўлган қизиқишни ошириш ва уларни юксак мақсадлар сари йўналтиришда муҳим омил бўлиб хизмат қилмоқда.
