ЧОРВАЧИЛИКДА БАРАКА, АҲОЛИ УЧУН ЯНГИ ИМКОНИЯТ! Бандихон туманида чорвачиликни ривожлантириш, аҳоли хонадонларига қўшимча даромад манбаи яратиш борасида изчил ишлар олиб борилмоқда.
2026-11-12 12:30:00 / Янгиликлар

Шу мақсадда туманга Монголия давлатидан келтирилган ва айни кунларда аҳолига тарқатилаётган қўйларнинг ҳолати ўрганилди.
Жараёнда Сурхондарё вилояти прокурорининг ўринбосари Ш. Акрамов, туман ҳокими А. Алламурадов, туман прокурори Б. Тошпулатов ҳамда тегишли масъуллар иштирок этиб, қўйларни сақлаш, аҳолига етказиб бериш ва тақсимлаш жараёнлари билан яқиндан танишдилар.
Ўрганиш давомида аҳоли учун қўйларни қулай нархларда, ортиқча оворагарчиликларсиз ва соддалаштирилган тартибда етказиб бериш, бу жараёнда қонунийлик ва шаффофликни таъминлаш юзасидан масъулларга тегишли тавсия ҳамда кўрсатмалар берилди.
Зеро, чорвачилик — хонадонлар фаровонлиги, оилалар даромади ва қишлоқ хўжалиги тараққиётининг муҳим омилидир!
Мақсад — аҳоли манфаатини таъминлаш, тадбиркорлик ва чорвачиликни ривожлантириш орқали халқимиз турмуш фаровонлигини янада юксалтириш.
Бандихон тумани ҳокимлиги
Ахборот хизмати







