Бандихон туманида “Жасорат синфи” ўқувчиларининг тантанали “Ваъда бериш” тадбири бўлиб ўтди
2026-10-06 09:00:00 / Янгиликлар
Бугун туман Фавқулодда вазиятлар бўлими, Мактабгача ва мактаб таълими бўлими ҳамда тегишли ташкилотлар ҳамкорлигида Бандихон туманидаги 3-сонли умумтаълим мактабининг “Жасорат синфи” ўқувчиларининг тантанали “Ваъда бериш” тадбири бўлиб ўтди.
Тадбирда бугунги кунда таълимда амалга оширилаётган ислоҳотлар, ўқувчилар учун яратилган шароитлар ҳамда уларни Ватанпарварлик руҳида тарбиялаш ҳақида сўз борди.
Ёшларимиз ўз ота-оналари ва яқинлари гувоҳлигида қилган тантанали ваъдалари юксак фахр ва ғурур рамзи эканлигини хис қилган ҳолда, “Билдирилган юксак ишончни оқлаб, Ўзбекистон Республикаси халқига ва Президентига билимли, садоқатли ва мард фарзанд бўлади!” дея алоҳида эътироф этилди.
Тадбирдан кўзланган асосий мақсад — “Жасорат мактаби” ўқувчиларини кичик ёшдан Ватанга садоқат руҳида тарбиялаш, уларни жисмонан соғлом ва маънавий етук инсонлар қилиб тарбиялашдан иборат.
Бандихон тумани ҳокимлиги
Ахборот хизмати