ОБИКОРДА ЎЗГАРИШ КАТТА: "Янги Ўзбекистон қиёфасидаги маҳалла" сифатида танлаб олинган Обикор маҳалласида бунёдкорлик ишлари изчил давом этмоқда
2026-09-25 14:00:00 / Янгиликлар
Бандихон туманида аҳоли учун муносиб яшаш шароитларини яратиш, маҳаллалар инфратузилмасини яхшилаш ва ҳудудларни обод масканларга айлантириш борасидаги бунёдкорлик ишлари изчил давом этмоқда.
Хусусан, "Янги Ўзбекистон қиёфасидаги маҳалла" сифатида танлаб олинган “Обикор” МФЙда ҳам кенг кўламли ободонлаштириш ва инфратузилмани янгилаш ишлари жадал олиб борилмоқда.
Маҳалланинг 8 та кўчасига 210 дона янги бетон электр устуни ўрнатилди;
3 дона янги трансформатор келтирилди;
7 минг метр ёпиқ электр кабели тортилди;
2,8 км ичимлик суви тармоғи янгидан барпо этилди;
1,1 км ички кўчалар асфалтланди.
Энг муҳими, маҳалла аҳолиси учун қулай ва замонавий муҳит яратишга қаратилган ишлар бундан кейин ҳам давом этади.
Айни пайтда янги маҳалла гузари ва маҳалла биноси қурилиши ҳам жадал суръатларда олиб борилмоқда.
Бу ўзгаришларнинг барчаси — аввало, инсон қадрини улуғлаш, аҳоли турмуш шароитини яхшилаш ва маҳаллаларга Янги Ўзбекистон қиёфасини олиб кириш йўлидаги амалий ишларнинг ифодасидир.
Бандихон тумани ҳокимлиги
Ахборот хизмати