Бандихон туманида фавқулодда вазиятларнинг олдини олиш ва юзага келиши мумкин бўлган ҳолатларга тезкор жавоб қайтариш мақсадида муҳим қўмондонлик-штаб ўқув машқлари ташкил этилади.
2026-05-08 13:30:00 / Янгиликлар
Бугун Бандихон тумани ҳокимлигида Сурхондарё вилояти Фавқулодда вазиятлар бошқармаси бошлиғининг биринчи ўринбосари, подполковник Ш.Абдураматов, Бандихон тумани ҳокими – Фуқаро муҳофазаси бошлиғи Абдумалик Алламурадов ҳамда тегишли масъуллар иштирокида штаб йиғилиши бўлиб ўтди.
Йиғилиш давомида туманда юз бериши мумкин бўлган табиий ҳамда техноген хусусиятли фавқулодда вазиятларнинг олдини олиш, шунингдек содир бўлганда уларнинг оқибатларини тезкор ва самарали бартараф этиш масалалари муҳокама қилинди.
Унда фавқулодда вазиятларнинг олдини олиш ва давлат қуйи тизими хизматларининг ҳамкорликдаги ҳаракатлари юзасидан муҳим тушунча ва амалий кўрсатмалар берилди.
Мазкур ўқув машқлари аҳоли хавфсизлигини таъминлаш, масъул ташкилотлар ўртасидаги ҳамжиҳатликни кучайтириш ҳамда фавқулодда ҳолатларда тезкор ҳаракат қилиш кўникмаларини янада мустаҳкамлашга хизмат қилади.
Инсон ҳаёти ва хавфсизлиги — энг устувор вазифа!
Бандихон тумани ҳокимлиги
Ахборот хизмати