Ёшлар эътиборда: Бандихонда “Пайшанба — ёшлар куни” доирасида учрашув ўтказилди
2026-04-09 11:00:00 / Янгиликлар
Бандихон туманида “Пайшанба — ёшлар куни” доирасида ҳарбий хизматни шараф билан ўтаб қайтган ёшлар билан очиқ учрашув ташкил этилди. Унда туман ҳокими Абдумалик Алламурадов ёшлар билан юзма-юз суҳбатлашиб, уларнинг фикр-мулоҳаза, таклиф ва муаммоларини тинглади.
Мазкур учрашув Ўзбекистон Республикаси Президенти томонидан ёшларни қўллаб-қувватлаш, уларнинг ташаббусларини рўёбга чиқариш ва ҳаётда ўз ўрнини топишига кўмаклашиш борасида белгиланган устувор вазифалар ижроси доирасида ташкил этилди.
Учрашув давомида ёшларнинг бандлигини таъминлаш, доимий иш ўринларига жойлаштириш, касб-ҳунар ўрганиш, тадбиркорлик фаолиятини бошлаш учун мавжуд имкониятлардан самарали фойдаланиш масалалари муҳокама қилинди.
Шунингдек, давлат томонидан ёшлар учун яратилаётган имтиёзлар, грантлар, кредитлар ва қўллаб-қувватлаш механизмлари ҳақида батафсил тушунтиришлар берилди. Ёшлар ўзларини қийнаётган масалалар юзасидан мурожаат қилиб, таклифларини билдиришди.
Бандихонда ёшлар билан ишлаш, уларнинг орзу-интилишларини қўллаб-қувватлаш ва келажагига мустаҳкам замин яратиш ишлари изчил давом этмоқда.
Бандихон тумани ҳокимлиги
Ахборот хизмати