Бандихонда “яшил даромад” сари муҳим қадам: аҳолига лимон кўчатлари тарқатилмоқда
2026-03-17 09:25:00 / Янгиликлар
Бандихон туманида кам таъминланган ҳамда ишсиз фуқароларни қўллаб-қувватлаш, уларнинг даромад манбаларини кенгайтириш мақсадида амалий ишлар изчил давом эттирилмоқда.
Бугун туманга 2 мингдан ортиқ ҳосилдор лимон кўчатлари олиб келиниб, субсидия асосида эҳтиёжманд фуқароларга тарқатилмоқда.
Мазкур ташаббус орқали фуқаролар ўз томорқаларидан унумли фойдаланиб, лимон етиштиришни йўлга қўяди. Бу эса нафақат оилавий даромадни оширишга, балки ҳудудда боғдорчиликни ривожлантиришга хизмат қилади.
Таъкидлаш жоизки, бундай қўллаб-қувватлаш чоралари аҳоли бандлигини таъминлаш, турмуш фаровонлигини ошириш ҳамда тадбиркорликка кенг йўл очишда муҳим омил бўлиб хизмат қилмоқда.