Ўқувчи қизлар ўртасида ўтказилган "Мактабгача ва мактаб таълими вазири кубоги” Бандихон туман босқичи ғолиблари тақдирланди.
2026-02-05 13:05:00 / Янгиликлар
Бандихон туманида ўқувчи қизлар ўртасида илк бор ташкил этилган “Мактабгача ва мактаб таълими вазири кубоги” футбол мусобақасининг туман босқичи якунланди.
Қизғин ва муросасиз ўтказилган мусобақа якунида ғолиб ва совриндор жамоаларни тақдирлаш маросими бўлиб ўтди. Тақдирлаш маросимида туман ҳокими Абдумалик Алламурадов, туман прокурори Бобур Тошпулатов, туман ИИБ бошлиғи Жўрабек Тўраев, туман мактабгача ва мактаб таълими бўлими масъуллари ҳамда спорт соҳаси вакиллари иштирок этди.
Баҳслар натижасига кўра:
1-ўрин 37-мактаб Сурхон қизлари жамоаси,
2-ўрин 27-мактаб Тўмарислар жамоаси,
3-ўрин 7-мактаб Барчинойлар жамоалари эгаллашди.
Жамоалар диплом, кубок ва эсдалик совғалари билан тақдирланди.
Ғолиб бўлган 37-мактабнинг Сурхон қизлари жамоаси вилоят босқичи йўлланмасини қўлга киритди.
"Давлатимиз раҳбарининг ёшлар спортига қолаверса хотин-қизлар спортига бўлган алоҳида эътиборлари туфайли “Мактабгача ва мактаб таълими вазири кубоги” ташкил этилди. Инсон ҳам маънавий ҳам жисмоний етук бўлиши зарур. Мен ўйлайманки жисмоний етук бўлган инсоннинг маънавияти ҳам етук бўлади. Мазкур мусобақа ўқувчи қизлар орасида спортга бўлган қизиқишини ошириш, соғлом турмуш тарзини қарор топтириш ва иқтидорли ёш спортчиларни кашф этишда муҳим аҳамият касб этади." - дейди туман ҳокими А.Алламурадов.
Бандихон тумани ҳокимлиги
Ахборот хизмати