Бандихонда прокуратура ходимлари шарафланди
2026-01-14 17:00:00 / Янгиликлар
Юртимизда Ўзбекистон Республикаси прокуратура органлари ходимлари куни кенг нишонланди. Шу муносабат билан Бандихон туман ҳокимлигида байрам тадбири ташкил этилди.
Тадбирда туман ҳокими Абдумалик Алламурадов иштирок этиб, туман прокурори Бобур Тошпулатов ҳамда соҳа ходимларини касб байрами билан самимий муборакбод этди.
Туман раҳбари ўз табригида прокуратура органларининг қонун устуворлигини таъминлаш, қонунларнинг аниқ ва бир хилда ижро этилиши устидан самарали назоратни амалга оширишдаги ўрни алоҳида эканини таъкидлаб, соҳа ходимларига масъулиятли фаолиятларида муваффақиятлар тилади.
Тадбир якунида туман прокуратурасининг жонкуяр ва фидойи ходимларига туман ҳокимлигининг совғалари тантанали топширилди.
Бандихон тумани ҳокимлиги
Ахборот хизмати