Андижон вилояти Андижон тумани ҳокимлиги

Эрта тонгдан Андижон тумани ҳокими Бобуржон Юлдашев, фуқаролар ва юридик шахсларнинг мурожаатларини очиқ тарзда қабул қилди. Қабул жараёнида аҳоли билан очиқ мулоқот ўтказилиб, турли йўналишлардаги муаммолар, айниқса, инфратузилмани яхшилаш — ичимлик суви, йўл, электр энергияси таъминоти, шунингдек, аҳоли бандлигини таъминлаш ҳамда бир қанча муҳим масалаларга доир мурожаатлар тингланди. Фуқаролар томонидан кўтарилган ҳар бир масала ўрганилиб, уларни жойида ҳал этиш чора-тадбирлари кўрилди. Мавжуд муаммоларни бартараф этиш юзасидан мутасадди ташкилот раҳбарларига аниқ вазифалар юклатилди ва ижроси қатъий назоратга олинди.