Андижон туманида “бир контур – бир маҳсулот” тамойили асосида картошка экиш ишлари амалга оширилди
2026-03-10 09:00:00 / Янгиликлар
Андижон туманидаги “Ҳақиқат” ҳамда “Садда таги” маҳаллаларида қишлоқ хўжалиги экинларини жойлаштиришда самарали ёндашувлардан бири бўлган “бир контур – бир маҳсулот” тамойили асосида амалий ишлар олиб борилди.
Мазкур ташаббус доирасида ушбу ҳудудларда жойлашган 4 гектар ер майдонига картошка экиш ишлари ташкил этилди. Ушбу ишлар ер майдонларидан оқилона фойдаланиш, қишлоқ хўжалиги маҳсулотлари етиштириш ҳажмини ошириш ҳамда аҳолини сифатли озиқ-овқат маҳсулотлари билан таъминлашга хизмат қилмоқда.
Шунингдек, амалга оширилаётган бундай агротехник тадбирлар ҳудудда қишлоқ хўжалиги соҳасини янада ривожлантириш, ҳосилдорликни ошириш ва маҳаллий аҳолининг даромад манбаларини кенгайтиришда муҳим аҳамият касб этади.
