АДЛИЯ ВАЗИРЛИГИ ТИЗИМИДАГИ АСОСИЙ КАДРИЯТЛАРИ

ҚОНУНИЙЛИК — конституция ва бошқа қонун ҳужжатларига қатъий риоя этиш;

ИНСОНПАРВАРЛИК — фуқароларнинг ҳуқуқи ва қонуний манфаатларини ҳурмат қилиш;

ОДИЛЛИК — фаолияти давомида ҳар қандай масалага нисбатан адолатли ёндашув асосида ҳаракат қилиш;

ХАЛОЛЛИК — хиёнат ва коррупцияга йўл қўймаслик, виждонийлик, тўғрилик, софдиллик билан вазифани бажариш;

ОЧИҚЛИК — тақдим этиладиган ахборотдан ҳамманинг фойдаланиши мумкинлиги, ўз вақтида берилиши, ишончлилиги, фаолиятнинг ошкоралиги ва шаффофлиги;

ХОЛИСЛИК — масалага у ёки бу гуруҳ/шахс манфаатини устун қўймаган ҳолда, умумхалқ манфаатидан келиб чиқиб холис ёндашиш;

ҲИСОБДОРЛИК — фаолият ҳақида кенг жамоатчиликка ҳисоб бериш масъулияти;

ПРОФЕССИОНАЛЛИК — турли шароитларда мураккаб касбий фаолиятни тизимли, самарали ва ишончли тарзда амалга ошириш;

ТАШАББУСКОРЛИК — янги ғояларни илгари суриш, масъулиятни зиммага олиш, креатив ёндашув, инновацион таклифлар;

САДОҚАТ — ўз вазифасига фидойилик, содиқлик. Виждонан ва сидқидилдан ишлаш;

МАСЪУЛИЯТ — вазифани бажаришда, эгаллаб турган лавозимидан қатьи назар, бир хил жавобгарликни ҳис қилиш, юқори натижадорликка эришиш;

ЖАМОАВИЙЛИК — тизим манфаатини шахсий манфаатдан устун қўйиш, ҳамжиҳатлик, ўзаро ҳурмат асосида қарорлар қабул қилиш, жамоанинг обрўси ва мақсадлари учун шахсий масъулиятни ҳис этиш.