Жамоатчилик муҳокамасини самарали ташкил этиш масалалари муҳокама қилинди
2026-10-14 17:40:00 / Вазирлик янгиликлари
Адлия вазирлигида Европа Иттифоқининг Твининг дастури экспертлари иштирокида норматив-ҳуқуқий ҳужжатлар лойиҳаларининг жамоатчилик муҳокамасини ташкил этишга бағишланган семинар-тренинг бўлиб ўтди.
Унда вазирлик ва идораларнинг норма ижодкорлиги ҳамда жамоатчилик муҳокамасини ташкил этиш учун масъул ходимлари иштирок этди.
Тадбирда норматив-ҳуқуқий ҳужжатлар сифатини оширишда жамоатчилик фикрини ўрганиш, манфаатдор томонларнинг таклифларини инобатга олиш ва қарорларнинг амалий самарадорлигини таъминлаш муҳимлиги таъкидланди.
Семинар давомида халқаро экспертлар жамоатчилик билан самарали мулоқот ўрнатиш, манфаатдор гуруҳларни муҳокама жараёнига жалб қилиш ҳамда билдирилган таклифларни таҳлил этиш бўйича маърузалар қилди.
Шунингдек, иштирокчилар учун амалий машғулотлар ташкил этилиб, халқаро тажрибани миллий амалиётга татбиқ этиш имкониятлари муҳокама қилинди.
Тадбирда жамоатчилик муҳокамасини электрон платформалар билан бир қаторда очиқ мулоқотлар, давра суҳбатлари ва сўровномалар орқали ҳам самарали ташкил этиш масалаларига эътибор қаратилди.
Семинар-тренинг норма ижодкорлиги жараёнининг очиқлигини таъминлаш, жамоатчилик иштирокини кенгайтириш ҳамда норматив-ҳуқуқий ҳужжатлар сифатини янада оширишга хизмат қилади.