Жаҳон банки вакили билан учрашув ўтказилди
2026-10-03 16:25:00 / Вазирлик янгиликлари
Халқаро тўловга қобилиятсизлик регуляторлари ассоциацияси (IAIR) тадбирлари доирасида Ўзбекистон Республикаси Адлия вазирининг биринчи ўринбосари М. Истамов Жаҳон банкининг тўловга қобилиятсизлик масалалари бўйича эксперти У. Патерсон билан учрашди.
Учрашувда молиявий қийинчиликка дуч келган корхоналарни соғломлаштириш, суддан ташқари ва суд санацияси механизмларини такомиллаштириш масалалари муҳокама қилинди.
Хусусан, санацияда иштирок этаётган корхоналарга нисбатан кредит рискларини баҳолаш ва захиралар шакллантириш бўйича ёндашувларни такомиллаштириш, шунингдек, халқаро тажрибадан келиб чиқиб, янада мувозанатли пруденциал механизмларни жорий этиш юзасидан фикр алмашилди.
Учрашув якунида тўловга қобилиятсизлик соҳасидаги ислоҳотлар ва ишлаб чиқилаётган норматив-ҳуқуқий ҳужжатлар бўйича Жаҳон банки билан экспертлик ҳамкорлигини давом эттиришга келишиб олинди.