Адлия вазирлиги ҳузуридаги «Адолат» миллий ҳуқуқий ахборот марказига директор тайинланди
2026-09-28 17:25:00 / Вазирлик янгиликлари
Адлия вазирининг тегишли буйруғи билан Юсупов Беҳзоджон Фарҳодович Адлия вазирлиги ҳузуридаги «Адолат» миллий ҳуқуқий ахборот маркази директори лавозимига тайинланди.
Беҳзоджон Юсупов 1980 йил 17 сентябрда Тошкент шаҳрида туғилган. Маълумоти олий, ҳуқуқшунос, юридик фанлар номзоди, 1-даражали адлия маслаҳатчиси.
2003 йилда Тошкент давлат юридик институтини, 2005 йилда Тошкент давлат юридик институти магистратурасини, 2012 йилда Давлат ва жамият қурилиши академиясини тамомлаган.
Меҳнат фаолияти:
➖ 2005–2006 йилларда Тошкент шаҳар Юнусобод туман суд ижрочилари бўлинмасида суд ижрочиси;
➖ 2006–2008 йилларда Адлия вазирлиги Суд департаментининг Суд қарорларини ижро этиш бошқармасида етакчи инспектор, бўлим бошлиғи вазифасини бажарувчи;
➖ 2008–2011 йилларда Адлия вазирлиги Суд департаментининг Суд қарорларини ижро этиш бошқармасида бош инспектор;
➖ 2012–2014 йилларда Адлия вазирлиги Суд департаментининг Ташкилий-назорат ва таҳлил бошқармаси бошлиғи;
➖ 2014–2017 йилларда Ўзбекистон Республикаси Президенти девони Ҳуқуқни муҳофаза қилувчи ва назорат идоралари фаолиятини мувофиқлаштириш хизматининг референти;
➖ 2017–2018 йилларда Ўзбекистон Республикаси Президенти девони сиёсий-ҳуқуқий масалалар хизмати фуқаролик, афв этиш ва сиёсий бошпана бериш масалалари шўъбаси етакчи инспектори, бош инспектори;
➖ 2018–2019 йилларда Ўзбекистон Республикаси Президенти Администрацияси Ислоҳотларни ҳуқуқий таъминлаш ва ҳуқуқни муҳофаза қилиш фаолиятини мувофиқлаштириш масалалари бўйича маслаҳатлашув бўлинмалари бош инспектори;
➖ 2019–2020 йилларда Ўзбекистон Республикаси Президенти Администрацияси Ҳуқуқий экспертиза ва комплекс таҳлил қилиш департаменти бош инспектори;
➖ 2020–2022 йилларда Ипакчилик ва жун саноатини ривожлантириш қўмитаси раиси биринчи ўринбосари;
➖ 2022–2023 йилларда Қарши тумани ҳокими вазифасини бажарувчи;
➖ 2023–2024 йилларда Адлия вазирлиги Инсон ресурслари бошқармаси бош маслаҳатчиси;
➖ 2024–2025 йилларда Адлия вазирлиги Ҳуқуқни қўллаш амалиётини ўрганиш бошқармаси бўлим бошлиғи;
➖ 2025 йилда Адлия вазирлиги ҳузуридаги Қонунчиликни таҳлил қилиш ва тартибга солиш таъсирини баҳолаш институти директори ўринбосари;
➖ 2025 йилдан ҳозирги вақтга қадар Адлия вазирлиги Инсон ҳуқуқларини ҳимоя қилиш бошқармаси бошлиғи лавозимида фаолият юритган.
Ушбу тайинловга қадар Беҳзоджон Юсупов Адлия вазирлиги Инсон ҳуқуқларини ҳимоя қилиш бошқармаси бошлиғи лавозимида фаолият юритиб келган.
Адлия вазирлиги жамоаси Беҳзоджон Юсуповни янги лавозимга тайинлангани билан табриклайди ҳамда келгуси фаолиятида муваффақиятлар тилайди.