Ўзбекистон Республикаси Адлия вазирлиги

Маҳсулот ишлаб чиқаришнинг ўзи етарли эмас. Уни танитиш, ўз брендини яратиш ва энг муҳими — ҳуқуқий ҳимоя қилиш бизнеснинг бозордаги ўрнини мустаҳкамлайди.

Шу мақсадда Фарғона шаҳридаги Экошаҳарда жойлашган Экспо марказида “Фарғонанинг 100 та янги бренди” семинар-тренинги бошланди.

Адлия вазирлиги ва Фарғона вилояти ҳокимлиги ҳамкорлигида ташкил этилган тадбирни адлия вазири ўринбосари Музраф Икрамов очиб берди.

Лойиҳа тадбиркорларга нима беради?

— ўз маҳсулоти учун кучли ва таниладиган бренд яратиш;

— бренд идентификацияси ва дизайнини такомиллаштириш;

— товар белгисини миллий ва халқаро даражада ҳуқуқий ҳимоя қилиш;

— яратилган логотипларни мутахассислар иштирокида экспертизадан ўтказиш;

— маҳсулотнинг бозордаги рақобатбардошлиги ва танилишини ошириш имкониятини беради.

Мақсад аниқ — Фарғонада ҳуқуқий ҳимояланган, рақобатбардош ва бозорда ўз ўрнига эга 100 та янги бренд яратиш.

Маҳаллий маҳсулот — кучли брендга айланиши, кучли бренд эса катта бозорга чиқиши керак.