Амир Темур таваллудининг 690 йиллиги муносабати билан хотира тадбирлари ўтказилди
2026-04-09 15:30:00 / Вазирлик янгиликлари
Буюк саркарда ва давлат арбоби Амир Темур таваллудининг 690 йиллиги муносабати билан Адлия вазирлиги вакиллари пойтахтимиздаги Соҳибқирон ҳайкали пойига гул қўйиш маросимида иштирок этди.
Шундан сўнг вазирлик вакиллари Темурийлар тарихи давлат музейида бўлиб, ундаги ноёб экспонатлар, тарихий манбалар ҳамда темурийлар даврига оид бой мерос билан яқиндан танишдилар.
Музейга ташриф давомида Амир Темур ва темурийлар сулоласи даврида яратилган илм-фан, маданият ва давлатчилик анъаналари ҳақида батафсил маълумотлар олинди.