Адлия вазири А.Тошқулов томонидан Яшнободд туманида криминоген вазиятни барқарорлаштириш масалаларига бағишланган танқидий йиғилиш ўтказилди.
2026-03-28 16:00:00 / Вазирлик янгиликлари
📌 Ўзбекистон Республикаси Президентининг 2026-йил 5-январдаги ПҚ–1-сон қарори ижроси юзасидан ташкил этилган мазкур йиғилишда туман ҳокими, ҳуқуқни муҳофаза қилувчи органлар ҳамда мутасадди ташкилотлар раҳбарлари иштирок этди.
⚠️ Йиғилишда масъул раҳбарларнинг фаолияти юзасидан ахборотлари тингланиб, соҳада йўл қўйилган камчиликлар кўрсатиб ўтилди ва уларни бартараф этиш бўйича зарур чоралар белгиланди.
📊 Айниқса, профилактика ишларининг етарли даражада ташкил этилмагани, яширин иқтисодиётга қарши курашиш ҳамда санитария назорати органлари фаолиятида мавжуд камчиликлар алоҳида қайд этилди.
📌 Йиғилиш якунида ҳар бир масъул раҳбар зиммасига аниқ топшириқлар юклатилиб, натижадорлик учун шахсий жавобгарлик белгиланиши таъкидланди.