«Контрафактсиз ой» ойлиги доирасида ҳафта давомида амалга оширилган ишлар
2026-02-21 16:00:00 / Вазирлик янгиликлари
🔸 «Контрафактсиз ой» ойлиги доирасида интеллектуал мулк ҳуқуқларини ҳимоя қилиш ва контрафакт маҳсулотларга қарши курашиш йўналишида қатор амалий ва тарғибот тадбирлари ташкил этилди.
🔹 Халқаро семинар-тренинг ташкил этилди 18-февраль куни вазирлик ҳамда ҳудудий адлия органлари ходимлари учун Schmitt & Orlov халқаро юридик компанияси мутахассислари иштирокида семинар-тренинг ўтказилди. Унда контрафакт маҳсулотларга қарши курашишнинг замонавий механизмлари, халқаро тажриба ҳамда амалий ёндашувлар муҳокама қилинди.
🔸 Фарғона вилоятида тарғибот ва амалий ишлар олиб борилди Ҳудудда интеллектуал мулк ҳуқуқларини ҳимоя қилиш йўналишида тадбиркорлик субъектлари билан учрашувлар ташкил этилди. Вазирлик масъуллари томонидан жойига чиққан ҳолда ўз брендига эга бўлишнинг афзалликлари, контрафакт маҳсулотлар учун белгиланган жавобгарлик чоралари юзасидан тушунтиришлар берилди.
Шунингдек, вилоятда фаолият юритаётган «Осиё маркет» супермаркети «Контрафактсиз савдо объекти» деб эътироф этилиб, раҳбариятига тегишли сертификат топширилди.
🔹 Бош прокуратура ходимлари учун семинар ўтказилди 20-февраль куни Ўзбекистон Республикаси Бош прокуратураси ходимлари учун интеллектуал мулк ҳуқуқлари соҳасида семинар-тренинг ташкил этилди. Унда вазирлик ходимлари томонидан соҳада амалга оширилаётган ишлар ҳамда қонунчиликдаги сўнгги ўзгаришлар ҳақида батафсил маълумот берилди.
🔸 Адлия органлари томонидан контрафакт маҳсулотларга қарши курашиш, интеллектуал мулк ҳуқуқларини ҳимоя қилиш ҳамда тадбиркорлар ўртасида ҳуқуқий маданиятни ошириш бўйича тизимли ишлар давом эттирилмоқда.