Олий Мажлис Қонунчилик палатаси депутатлари давлат ва нодавлат суд-экспертиза ташкилотлари ҳамда суд-экспертлик фаолиятини амалга ошираётган илмий муассасаларга ташриф буюриб, уларнинг фаолияти билан танишди
2025-11-13 09:00:00 / Вазирлик янгиликлари
✅ Жорий йилнинг 12 ноябрь куни Олий Мажлис Қонунчилик палатаси депутатлари Адлия вазирлиги ҳузуридаги Х. Сулаймонова номидаги Республика суд экспертиза маркази, Ички ишлар вазирлиги Академияси Криминалистик экспертизалар кафедраси ҳамда “ПРОЭХ” нодавлат суд-экспертиза ташкилоти МЧЖларга ташриф буюриб, уларнинг фаолияти билан танишди.
📌 Таъкидлаш лозимки, бугунги кунда “Суд-экспертлик фаолияти тўғрисида”ги қонун лойиҳаси Ўзбекистон Республикаси Олий Мажлиси Қонунчилик палатаси депутатлари томонидан кўриб чиқилмоқда.
❗️Адлия вазирлиги томонидан ишлаб чиқилган мазкур Қонун лойиҳаси жорий йилнинг 28-октябрь куни бўлиб ўтган Олий Мажлис Қонунчилик палатасининг ялпи мажлисида депутатлар томонидан биринчи ўқишда қабул қилинган.
🔰 Суд-экспертлик фаолиятини амалга оширилиши жараёнлари билан танишиш давомида депутатлар томонидан Қонунга киритилаётган янгиликлар ва нормаларнинг бугунги кунда муҳим аҳамиятга эга эканлиги таъкидланди.
📑 Жумладан, депутатлар томонидан суд-экспертлик фаолиятининг янада ишончлилигини ошириш мақсадида аккредитация ва валидатсия институтлари жорий этилаётганлиги, қолаверса, нодавлат суд экспертларининг мақоми қонун даражасида белгиланаётганлиги, шунингдек, уларга яқиндан ёрдам берувчи Суд экспертлари палатаси ташкил этилаётганлиги келгусида ўзининг ижобий самарасини бериши билдирилди.