“BOSS” товар белгисидан ноқонуний фойдаланиш ҳолатига чек қўйилди
2025-11-06 17:55:00 / Вазирлик янгиликлари
Адлия органлари томонидан интеллектуал мулк ҳуқуқларини самарали ҳимоя қилиш ҳамда интеллектуал мулк ҳуқуқларига ҳурмат ҳиссини янада ошириш мақсадида ўтказилаётган ўрганишлар ва қўлланилаётган таъсир чораларига қарамасдан, ҳануз ўзгаларнинг брендидан рухсатсиз фойдаланиш ҳолатлари кўплаб учрамоқда.
Хусусан, вазирлик томонидан “Hugo Boss AG” (Германия) компаниясининг “Boss” товар белгисига бўлган ҳуқуқлари “D.W.” МЧЖ томонидан бузилаётганлиги тўғрисидаги мурожаати кўриб чиқилди.
Ўтказилган текширув натижасида “Boss” товар белгисидан фойдаланган ҳолда ишлаб чиқарилган контрафакт маҳсулотлар “D.W.” МЧЖ томонидан сотувга таклиф этиб келинаётганлиги аниқланди.
Ҳолат бўйича вазирлик томонидан “D.W.” МЧЖга нисбатан тегишли таъсир чораси қўлланилди ҳамда сотув учун сақлаб келинаётган 173 дона контрафакт маҳсулотни йўқ қилиш мажбурияти юкланди.
Ҳурматли тадбиркорлар! Ўз брендиңизни рўйхатдан ўтказишингизни ҳамда брендиңиздан ноқонуний фойдаланиш ҳолатларига дуч келганингизда Адлия вазирлигининг “1008” ишонч телефони орқали хабар беришингизни ёки info@adliya.uz
электрон почта манзили орқали мурожаат қилишингизни сўраймиз!