Xitoy tabobati bir necha ming yillik qadimiy tarixga ega
2024-11-15 15:30:00 / Yangiliklar
Respublika ixtisoslashtirilgan terapiya va tibbiy reabilitasiya ilmiy-amaliy tibbiyot markazi o'z faoliyatida Xitoy tibbiyoti va tabobati an'analaridan ham oqilona foydalanishni rejalashtirgan. Shu maqsadda muassasa Xitoyning Yanchjou universiteti bilan yaqin hamkorlik qilib kelmoqda.
Bugun Sog'liqni saqlash vaziri o'rinbosari Farrux Sharipov, Xitoy Xalq Respublikasining mamlakatimizdagi Favqulodda va Muxtor elchisi Yuy Szyun, Yanchjou universiteti va Xay'an an'anaviy Xitoy tabobati shifoxonasi rahbariyati hamda markaz vakillari ishtirokida o'tkazilgan tadbirda ushbu yo'nalishda erishilgan natijalar haqida so'z bordi.
O'z navbatida, kelgusida bir guruh markaz mutaxasislarining Xitoyda bilim va malaka oshirishi istiqbollari muhokama qilindi.
Tadbir doirasida shu yil oktyabr oyida muassasada xitoylik mutaxassislar bilan birgalikda tashkil etilgan "an'anaviy Xitoy tibbiyot terapiyasi" mavzusidagi o'quv kursini tamomlagan 40 nafar tinglovchiga xalqaro darajadagi sertifikatlar topshirildi.
Sog'liqni saqlash vazirligi
Matbuot xizmati.