МУСТАҚИЛЛИК БАЙРАМИ МЕҲР ВА ЭЪТИБОР БИЛАН ЯНАДА ФАЙЗЛИ
2025-08-20 14:05:00 / Новости
Қува туманида Ўзбекистон Республикаси давлат мустақиллигининг 34 йиллиги муносабати билан эзгу анъанага айланган хайрли тадбир ўтказилди. Унда якка-ёлғиз кексалар, ижтимоий ҳимояга муҳтож фуқаролар ҳамда ногиронлиги мавжуд шахслар учун байрам дастурхони ёзилиб, уларга алоҳида эътибор кўрсатилди.
“Инсон” ижтимоий хизматлар маркази ташаббуси билан ташкил этилган мазкур тадбирда жамоат ташкилотлари вакиллари ҳам иштирок этиб, барчани байрам билан самимий қутладилар ҳамда юртимизда инсон манфаатлари устувор экани, айниқса, эҳтиёжманд қатлам вакилларига доимий эътибор қаратилаётганини алоҳида таъкидладилар.
Меҳр ва ўзаро ҳурмат-эҳтиром руҳида ўтган тадбирда кексалар ва ногиронлиги бор фуқароларга байрам совғалари топширилиб, улар учун кўнгилочар-дам олиш дастури ҳам ташкил этилди. Қувончга тўлган, самимий дуога қўл очган нуронийлар юзига табассум муҳрланди шу куни.
Алишер ЯКУБОВ,
Қува тумани "Инсон" ижтимоий хизматлар маркази директори.