Она меҳри ва дуосининг самараси
2025-08-19 17:50:00 / Новости
Хабарингиз бор, юртимиз тараққиётига муносиб ҳисса қўшиб келаётган фидойи тадбиркор, қувалик эл фарзанди Элёрбек Жалолов Президентимизнинг тегишли Фармонига асосан “Шухрат” медали билан тақдирланди.
Бу юксак мукофот нафақат тадбиркорнинг тинимсиз меҳнатлари, балки уни тарбиялаб вояга етказган, унга меҳр ва дуо бериб, тўғри йўл кўрсатган онасининг ҳам саъй-ҳаракатлари самарасидир.
Шу муносабат билан бугун туман ҳокими ўринбосари Матлубахон Холматова, вилоят кенгаши депутати Фаридахон Хошимова ва бир гуруҳ хотин-қизлар Холисхон ая Жалолованинг хонадонларига ташриф буюриб, у кишини фарзандининг юксак эътирофга сазовор бўлгани билан самимий табрикладилар.
Ташриф давомида меҳр ибодати, она дуосининг беқиёс куч-қудрати ҳақида сўз юритилиб, фарзанд тарбиясида Холисхон аянинг ўрни ва хизматлари алоҳида эътироф этилди. Юртга, эл-юрт тараққиётига муносиб фарзанд етказиб бергани учун миннатдорлик билдирилди.
Элёрбек Жалоловнинг бугунги ютуқлари ва обрў-эътибори замирида, аввало, она дуоси, ота-она тарбияси, меҳнатсеварлик ва садоқатли меҳнат мужассам.