Xalqaro_hamkorlik
2026-05-25 10:35:00 / Новости
Bag‘dod tumani hokimi Maqsadjon Isaqov Janubiy Koreyaning “Englishunt Inc.” kompaniyasi bosh direktori Chungrim Han bilan istiqbolli loyihalar yuzasidan uchrashuv o‘tkazdi.
Muloqot davomida “Englishunt” ingliz tilini o‘rganish platformasi va dasturini davlat hamda nodavlat maktabgacha ta’lim tashkilotlarida, keyingi bosqichlarda esa umumta’lim maktablarining boshlang‘ich sinflarida samarali joriy etish masalalari muhokama qilindi.
📶Chungrim Han o‘z taqdimoti davomida davlat va nodavlat maktabgacha ta’lim tashkilotlari rahbarlariga:
— “Englishunt” ingliz tilini o‘rganish platformasini ta’lim jarayoniga keng joriy etish;
— bog‘chalarda ingliz tilini o‘qitish samaradorligini zamonaviy metodlar asosida oshirish;
— til yo‘riqchilari uchun “Teacher Training by Blended Learning” aralash ta’lim kurslarini tashkil etish kabi yo‘nalishlarda batafsil ma’lumot berdi.
📶Tadbir yakunida tumandagi xususiy maktablar rahbarlari hamda maktabgacha ta’lim tashkilotlari bilan ingliz tilini o‘yinlar va zamonaviy metodlar asosida o‘qitish bo‘yicha tajriba-sinov loyihasini amalga oshirish, uni tizimli davom ettirish va ommalashtirish yuzasidan kelishuvga erishildi.