Хокимият Бешарыкского района Ферганской области

Бешариқ тумани ҳокими Илёсбек Новиков Ворух-Дашт, Яккатут ҳамда Собиртепа маҳалла фуқаролари йиғини ҳудудидаги боғдорчилик фермер хўжаликлари вакиллари билан учрашиб, соҳада амалга оширилаётган ишлар ва мавжуд вазифаларни муҳокама қилди. 🖇 Учрашув давомида самарасиз ва эски боғларни босқичма-босқич интенсив боғларга алмаштириш, юқори ҳосилдор навларни экиш, сув тежовчи технологияларни кенг жорий этиш ҳамда боғдорчилик самарадорлигини ошириш масалаларига алоҳида эътибор қаратилди. 📍Бешариқ туманида интенсив боғлар майдонини кенгайтириш, мевачиликни ривожлантириш ва экспорт салоҳиятини оширишга қаратилган амалий ишлар изчил давом этмоқда.