Qaraqalpaqstan Respublikası Xojeli rayonı hákimligi

JAŃA QABÍL ETILGEN NÍZAMLARDÍŃ ÁHMIETI HÁM MAZMUNÍ

Ózbekstan qısqa múddette onlaǵan jıllarǵa teń rawajlanıw basqıshınan ótip, ózine tán rawajlanıw modelin jaratıp, keńkólemli jetiskenlikler kólemin turaqlı arttırıp barmaqta. Bul rawajlanıw modeliniń tiykarǵı ózgesheligi tek ǵana dinamikalıq sociallıq-ekonomikalıq rawajlanıw emes, al demokratiyalıq normalar, sonday-aq, nızam ústinligin engiziw, jámietlik-siyasiy turmıstıń barlıq tarawlarında jedel ósiwdi tabıslı támiyinlew úlken áhmietke iуe bolıp tabıladı.

Rawajlanıwdıń tiykarǵı shártlerinen biri jámiette qararlar hám insanıy qatnasıqlardıń nızam tiykarında qáliplesiwi esaplanadı. Bul nizam ústinligi dep ataladı.

Nızam ústinligi óz-ózinen payda bolıwı hám ámel etiwi múmkin emes. Onıń islewi ushın zárúr sharayatlar bolıwı kerek. Bárinen burın, nızam shıǵarıwshı hám atqarıwshı hákimiyat arasında, yaǵnıy nızam shıǵarıwshı hám atqarıwshı hákimiyat arasında anıq shegara bolıwı kerek. Sonıń menen birge, sudlardıń ǵárezsizligi hám olardıń qararlarına hesh qanday túrde aralaspaw bolıp esaplanadı.

Nızam ulıwma erk-ıqrardıń kórinisi bolip tabıladı. Barlıq puqaralar nızam dóretiwde jeke ózi yamasa óz wákilleri arqalı qatnasıw huqıqına iуe.

Insan huqıqları pútkil jáhán deklaraciyasınıń 7-statyasında nızam ústinligi bekkemlengen:

«Barlıq insanlar nızamaldında teń hám hesh qanday kemsitiwsiz, nızam aldında teń qorǵalıw huqıqına iуe.» - dep belgilengen.

Nızamshılıq tiykarınan tómendegi máselelerdi qamtıpaladı:

1) nızamlar hám basqa normativlik-huqıqıy hújjetlerdi qabıl etiw;

2) nızamlardıń orınlanıwı hám olarǵa ámel etiliwi;

3) nızamlardıń orınlanıwın qadaǵalaw.

Ózbekstan búgin dúnyanıń eń tez rawajlanıp atırǵan mámleketlerinen birine aylandı. Respublikamız jedel sociallıq-ekonomikalıq rawajlanıwdı támiyinlemekte, iri infrastrukturalıq joybarlar, aymaqlıq baǵdarlamalar ámelge asırılmaqta. Jámietlik turmıstıń barlıq tarawlarında baqlanıp atırǵan oyanıw hám tikleniw insan huqıqları sistemasın jetilistiriwgede óz tásirin kórsetpekte. Eń áhmietlisi, búgingi kúnde Ózbekstan jámietiniń pútinligi hám bekkemligi támiyinlendi, puqaralar tabıslı keleshekke úmit etpekte. Jámietlik turmıstıń barlıq tarawlarında baqlanıp atırǵan oyanıw hám tikleniw insan huqıqları sistemasın jetilistiriwgede óz tásirin kórsetpekte.

Nókis rayonlararalıq hákimshilik Sudınıń sudyası K.Babanazarov