Korrupciyaǵa qarsı gúresiw - tiykarǵı másele
2025-08-20 16:10:00 / Министрлик
Xojeli rayonı hákimliginiń májilisler zalında Korrupciyaǵa qarsı gúresiw máseleleri boyınsha májilis bolıp ótti. Onda Qaraqalpaqstan Respublikası Ministrler Keńesiniń Korrupciyaǵa qarsı Ishki qadaǵalaw bólimi baslıǵı B.Matmuratov, Xojeli rayonı hákiminiń orınbasarı X.Xalmuratov, tiyisli mákeme hám shólkem basshıları qatnastı. Bul májilistiń tiykarǵı maqseti - korrupciyaǵa qarsı gúresiw baǵdarında sistemalı jumıslardı kúsheytiw, mámleketlik xızmetkerler arasında hadallıq hám hújdanlılıq principlerin bekkemlew, puqaralar arasında huqıqıy sawatlılıqtı arttırıw, sonday-aq, korrupciyalıq jaǵdaylardıń aldın alıwda baǵdarlanǵan edi. Májilis dawamında taraw juwapkerleri tárepinen ámelge asırılıp atırǵan jumıslar, anıqlanǵan mashqalalar hám olardı saplastırıw boyınsha usınıslar dodalandı. Korrupciyaǵa qarsı gúresiw boyınsha orınlarda ámelge asırılıp atırǵan profilaktikalıq ilajlardıń nátiyjeliligin arttırıw zárúrligi atap ótildi. Bunnan son’, barlıq shólkemlerdiń basshılarına korrupciyalıq qáwip-qáterlerdi anıqlaw hám saplastırıw
boyınsha tiyisli tapsırmalar berildi hám bul baǵdardaǵı jumıslardı kúsheytiw boyınsha anıq wazıypalar belgilenip, aymaqlarda
ùgit-nàsiyat jumisları alıp barıldı.