Qaraqalpaqstan Respublikası Xojeli rayonı hákimligi

Mektep pitkeriwshiler ushın «Sońǵı qońıraw» qaǵıldı

Búgin 2025-jıl 24-may kúni Xojeli rayonı mektepke shekemgi hám mektep bilimlendiriw bólimine qaraslı 35-sanlı mektepte rayon hákimi J.M.Ermashev qatnasıwında "Ilim - eń ullı mártebe!" súreni astında "Sońǵı qońıraw" bayram keshesi ótkerildi. Ilájda Prezidentimizdiń pitkeriwshilerge jollaǵan bayram qutlıqlawı jetkizilip, ana-mektebi menen xoshlasıp atırǵan oqıwshılarǵa keleshekte úlken jetiskenlikler tilep qaldı. Sonday-aq, usı mektepte óz belsendiligi menen jaqsı nátiyjelerdi kórsetken bir qatar pitkeriwshi oqıwshılarǵa xalıqaralıq sertifikatları tapsırıldı. Bayram jaslarımızdıń atqarıwındaǵı koncert baǵdarlaması menen dawam etti.