Mizdaqxan tariyxıy arxeologiyalıq kompleks
2026-05-27 14:00:00 / Министрлик
Mizdaqxan tariyxıy arxeologiyalıq kompleks
Usı jıldıń 12-may sánesinen baslap Xojeli rayonı aymaǵında jaylasqan "Mizdaqxan" arxeologiyalıq kompleksinde Berdaq atındaǵı Qaraqalpaq mámleketlik universiteti Tariyx fakultetiniń Arxeologiya kafedrası oqıtıwshıları F.Utepbergenov, S.Saypov, O-Sh.Qdırniyazov hám F.Maqsetovlar basshılıǵında studentler ushın dala ámeliyatı ótkerilmekte. Arxeologiyalıq qazıw izertlew jumısları dawamında XI-XIII ásir baslarına - Xorezmshahlar dáwirine tiyisli bolǵan orınlar ashılıp, gúlalshılıq pechleri hám islep shıǵarıw mákanları bolǵanlıǵın dálilleytuǵın materiallıq derekler tabılmaqta.